الحقيقة يا سيّدي الكريم انّو التّكتّل كان كتير ليّن بوقتا و كان لازم يأوّي العيار لانّو هيدا التّكتّل يلّي منو عاجب البعض هوّ (في ظلّ قانون ما عم يعكس القوّة الحقيقيّة للعويّين)ثاني أكبر كتلة بلبنان بعد كتلة المستقبل..
أمّا بشأن الطاولة:بحبّ قلّك انّو الحوار تعطّل بسبب العدوان الاسرائيلي البربري على لبنان..
و التّشاور وقتو اسبوع ما أكتر.. فانطرنا للآخر بس عبس و آخر شي فلّينا..
يا سواما حقنا الطبيعي نعارض بما انّو عم يختزلونا من اللّعبة السّياسيّة..
منّو عيب يا صديقي اذا طالبنا :
1-بحقلنا بتمثيل جزء من الشعب يلي اختارنا..
2-أو اذا طالبنا بقانون انتخابات لبناني و مش سوري و أكيد عادل...
3-بل حقلّك أكثر ..واجبنا نطالب ببرلمان جديد لانّو الحالي وهمي ومطعون بشرعيتو ونبنا على تحالف رباعي ضدّ لبنان والوطن..
و بتمنّا تكون اقتنعت رفيق سواما

فيك تفسرلي باي رد لسواما عم بتر لاعرف بس
مع الشكر

صديقي لييي الرّفيق الكريم سواما كان قدّ ردّ على موضوعك المعنون (عون يدعو قوى السّلطة للقبول بالثّلث المعطّل).....

أنت معناها فهمت ردي غلط.. لو شلنا من للي كتبتو كلمة العونيين.. وحطينا أي كلمة ثانية.. ما رح يتغير شي..

لو قلنا مثلاً :

"الحقيقة يا سيّدي الكريم انّو الإشتراكي (سعد / جعجع / ......) كان كتير ليّن بوقتا و كان لازم يأوّي العيار لانّو هيدا التّكتّل يلّي منو عاجب البعض هوّ (في ظلّ قانون ما عم يعكس القوّة الحقيقيّة للإشتراكيين)ثاني أكبر كتلة بلبنان بعد كتلة المستقبل..
أمّا بشأن الطاولة:بحبّ قلّك انّو الحوار تعطّل بسبب العدوان الاسرائيلي البربري على لبنان..
و التّشاور وقتو اسبوع ما أكتر.. فانطرنا للآخر بس عبس و آخر شي فلّينا..
يا سواما حقنا الطبيعي نعارض بما انّو عم يختزلونا من اللّعبة السّياسيّة.."

ما شايفها رح تفرق كتير.. يعني رح يضل الفخار يكسر بعضو.. وعون متل جنبلاط وبري ونصر الله.. بدهم شقفة من قطعة الجبنة..

أنا قلت: هيك الكل يصير يخردق بالكل.. بس بتزداد قوة الخردقة.. أما عن التمثيل العوني.. فعون مش أكثر من ظاهرة سرعان ما رح تنطفي.. لأن ما رح يضل علماني للآخر.. ولا بقا قادر يرجع إلا بشي تمرد جديد. بس على نصر الله هالمرة..