أعرب الرئيس الفنزويلي هوغو تشافيز عن سروره ب<الهزيمة> التي مني بها الرئيس الأميركي جورج بوش في انتخابات الكونغرس، لافتاً إلى أنّ <مواطني الولايات المتحدة لديهم أيضاً عقل وضمير>.
وأكّد تشافيز، في لقاء مع الصحافيين في كاراكاس، أنّ نتائج التصويت جاءت بمثابة عقاب للإدارة الأميركية على حربها في العراق وقضايا الفساد والفضائح التي تورّطت فيها، و<سحق الشعب عبر قانون باتريوت (لمكافحة الإرهاب)>، مذكراً بأن واشنطن <تنفق نحو مليار دولار على السلاح والقنابل والاجتياحات والقتلى، لكنها عجزت، رغم كل مواردها، عن تفادي مأساة الإعصار كاترينا ثم تخلت عن الملايين من مواطنيها>.
وندّد تشافيز بالعدوان الإسرائيلي على قطاع غزة، معتبراً أنّ <الاستهتار لا يزال هو القانون الحاكم في دولة إسرائيل التي لا تعترف لا بالأمم المتحدة ولا بالقانون الدولي>.
(د ب أ، أ ف ب)

عنجد أحسن زعيم عربي هوغو شافيز

انا بحبو لتشافيز.. بس ما يتفاءل كثير.. لأن الديموقراطيين أوسخ بكتير.. ولو انتبهت للتاريخ شوي.. كنت عرفت أن كل مصائبنا العربية كانت خلال حكم الديموقراطيين.. يعني متل ما العرب بيتفاءلو لما يسقط ال ليكود ويربح حزب العمل بإسرائيل.. ونسو أن حروب إسرائيل علينا قادها حزب العمل..

المشكلة يا مونلايت.. نحنا شعوب ما بتعرف تتحاور مع بعضها.. بدك تتحاور مع عدوّها !!!!!!!!

جوابك حلو و مظبوط ما منعرف نتحاور مع بعضنا للأسف بس إنّو شو قصدك نتحاور مع عدونا إذا فيك توضح بعد إذنك

رح يكون توضيحي بشكل أسئلة..

عدوّك مفروض يضل للأبد عدوّك؟؟؟

وإذا ضل عدوك.. بالسلاح بس بتحاربو؟؟

الجواب الأوّل : نعم عدوّي حيفضل للأبد عدوّي طالما هوّي مش عم يحترملي حقوقي متل ما عم تعمل إسرائيل
الجواب التاني : كمان نعم السلاح أثبت إنّو هوّي أحد أبرز الوسائل بل الوسيلة الفضلة لإثبات وجودنا في هذا العالم و بعمرها الكلمة ما نفعت مع اسرائيل
إلاّ إذا كان قصدك حدا تاني غير إسرائيل بالعدو

هيدا مش نفس تفكير عبد الناصر؟؟؟

لا صلح لا سلام لا تفاوض..

وشو كانت النتيجة؟؟؟

وهلق لا صلح = يونيفل عنا

لا سلام = أزمة حكومية ويا ريت حزب الله بطلها.. بل محاولة لتمرير وصول عون للرئاسة.. وكلنا ذقنا مرارة العسكر.. وما بقا مستعد راهن..

لا تفاوض = طار الحوار وطارت جلسات التشاور.. وخربنا بيوت العمال بالوسط التجاري عالفاضي..

حلووووووووو

كنت بتمنّى ما تسمي الزعيم العربي ،لأنو هيك كتير بتحقروا ساعتها ،لأنو الزعماء العرب من مسطرة وعجينة وحدة ،بس رفيقنا تشافيز منّو هيك ،لأنو صراحة تصنيفو بالعربي جرحني بالصميم ،لأن العربي خانع،جامد،جبان،ذبابة،صرصور الكرامة والشرف،فاسدين،مرتهنين ..... وتشافيز منّو هيك !

هوّي معك حق ما لازم قول عنّو عربي و لكن المقصود كان إنّو لطشي للزعما العرب
و لسواما أنا من أكتر المعجبين بالرئيس الراحل و لكن هالشي ما بيعني إنّو إنسى نحنا مين و إسرائيل اللي إنتا حابب تتحاور معها مين
كيف بدّك منّي إتحاور أو كيف بتقبل تتحاور و تساوم على شي هوّي أصلاً إلك يعني بدّك إنّو نرضى بالذل و نقبل إنّو اسرائيل تفرض شروطها علينا بس لإنّو في كم جبان بلبنان و بالعالم العربي عندون إستعداد مش ليعملو سلام ولكن ليستسلمو لإسراءيل إذا انت هيك رأيك فأنا بختلف معك و بشدّة كمان

أنا يا رفيقي مونلايت.. واقع بين نارك ونار غيفارا من رأيي بعبد الناصر..

من جهة أنا معك.. فعبد الناصر الشخصية العربية الوحيدة تقريباً للي أحترمها... رغم كل الأخطاء القاتلة للي ارتكبها..

كمان بيتنا بالعائلة.. كان شديد الإعجاب بعبد الناصر.. بسبب علاقة جدي لجهة والدتي بكمال جنبلاط.. كان يومها مفوض مدينة بيروت بالحزب الإشنراكي..

بس كمان أنا مع غيفارا.. ما فيي إنسى دور عبد الناصر بقمع الأحزاب.. وإدخال الشيوعيين إلى السجون..

وبعرف أنك عم تلطش.. بس هلق تشافيز مش فاضيلنا.. عم يحضر حفلة شاكيرا - بنت الحسب والنسب اللبناني - متخفي..

أما بخصوص الأرض والذل والمقاومة.. رح قول لك: لا ما حدا بيرضى بالذل.. بس كمان ما بدي نكون ضحايا هالجبناء العرب...

وبما أننا بعدنا بعبد الناصر.. رزق الله لما تقابل هو فؤاد شهاب عالحدود السورية.. وعملو خيمة.. وقعد فؤاد شهاب عالجانب اللبناني من الحدود.. وعبد الناصر عالجانب السوري.. كان يومها عنا جيش.. بس هلق للي عم يشكك بالجيش.. هم كل زعما الطوائف.. كلهم يا مونلايت..

وسؤال؟؟

مين الجيش؟؟؟ هو نحنا.. الجيش من هالشعب.. آآآآآآخ بس.. خلينا

يعني بالفعل بتذكّر واقعة الخيمة يلّي نصبت عالحدود ،بس نسيت وين قرأتها ،ووقتها كان العماد بستاني قائد الجيش على ما أعتقد
إيه ولله كان عنا جبش ،مش متل هلّق ،تحوّلو لجاجات في عهد الوصايه السوريّة ومن بعدها الأمريكيّة

ليش مستغرب..

مبااااااااااارح بق لحود البحصى.. وقال أن الأحباب الفرنسيين والأميركان عم يتصرفو بلبنان.. متل ما كان الأحباب البعثيين يتصرفو..

هيدي نقطة لصالح ال 14 حرامي.. رح تشوف كتير مفاجآت بعد